הבא
פרשנות

פסוק א

וַיְדַבֵּר יְהוָה אֶל מֹשֶׁה בְּמִדְבַּר סִינַי בְּאֹהֶל מוֹעֵד בְּאֶחָד לַחֹדֶשׁ הַשֵּׁנִי בַּשָּׁנָה הַשֵּׁנִית לְצֵאתָם מֵאֶרֶץ מִצְרַיִם לֵאמֹר:

פרשנות

פסוק ב

שְׂאוּ אֶת רֹאשׁ כָּל עֲדַת בְּנֵי יִשְׂרָאֵל לְמִשְׁפְּחֹתָם לְבֵית אֲבֹתָם בְּמִסְפַּר שֵׁמוֹת כָּל זָכָר לְגֻלְגְּלֹתָם:

פרשנות

פסוק ג

מִבֶּן עֶשְׂרִים שָׁנָה וָמַעְלָה כָּל יֹצֵא צָבָא בְּיִשְׂרָאֵל תִּפְקְדוּ אֹתָם לְצִבְאֹתָם אַתָּה וְאַהֲרֹן:

פרשנות

פסוק ד

וְאִתְּכֶם יִהְיוּ אִישׁ אִישׁ לַמַּטֶּה אִישׁ רֹאשׁ לְבֵית אֲבֹתָיו הוּא:

פרשנות

פסוק ה

וְאֵלֶּה שְׁמוֹת הָאֲנָשִׁים אֲשֶׁר יַעַמְדוּ אִתְּכֶם לִרְאוּבֵן אֱלִיצוּר בֶּן שְׁדֵיאוּר:

פרשנות

פסוק ו

לְשִׁמְעוֹן שְׁלֻמִיאֵל בֶּן צוּרִישַׁדָּי:

פרשנות

פסוק ז

לִיהוּדָה נַחְשׁוֹן בֶּן עַמִּינָדָב:

פרשנות

פסוק ח

לְיִשָּׂשכָר נְתַנְאֵל בֶּן צוּעָר:

פרשנות

פסוק ט

לִזְבוּלֻן אֱלִיאָב בֶּן חֵלֹן:

פרשנות

פסוק י

לִבְנֵי יוֹסֵף לְאֶפְרַיִם אֱלִישָׁמָע בֶּן עַמִּיהוּד לִמְנַשֶּׁה גַּמְלִיאֵל בֶּן פְּדָהצוּר:

פרשנות

פסוק יא

לְבִנְיָמִן אֲבִידָן בֶּן גִּדְעֹנִי:

פרשנות

פסוק יב

לְדָן אֲחִיעֶזֶר בֶּן עַמִּישַׁדָּי:

פרשנות

פסוק יג

לְאָשֵׁר פַּגְעִיאֵל בֶּן עָכְרָן:

פרשנות

פסוק יד

לְגָד אֶלְיָסָף בֶּן דְּעוּאֵל:

פרשנות

פסוק טו

לְנַפְתָּלִי אֲחִירַע בֶּן עֵינָן: